Flower Shop

Kalibutan karon gibagyo ug gugma
Apan ako nag inusara hangtod ugma
Nag-inusara nga ga mahal sa imoha
Pwede lingion ko nimo langga?

Kada Pebrero lang ka magpakita
Sa sunod nga mga adlaw wala kana
Palihug ayaw ug pakyas pag bisita
Bisan usa lang ko tuod ka tindira

Buwak nga maanindot akong baligya
Tungod ani ikaw akong nakita
huwaton nako pirme mo abot ning adlawa
Maaninag kuna pud pag usab imong hitsura

Apan niadtong tuiga kaduha ka ni bisita
Masulob-on ang nakita ko sa imoha
Imong inahan nawala na
Nawagtang ang kahayag sa imong ugma

Buwan sa Pebrero na pag usab
Pero wala ka nagpakita hangtod na ugma nalang
Nag-guol ko ug basin na unsa ka
Basin nagminyo na guro ka

Tindera gihapon ko ug mga buwak
Buwan sa Nobyembre ni kalit ka ug abot
Ug ni ingon, “Para sa akong mahal nga inahan”
Puti nga rosas akong gihatag sama sa kahayag

Nakita ko ang pahiyom sa imong nawong
Bahala karon ra taka nakita basta ikaw malipayon
Tam-is imong ngisi nga puno sa gugma
Swerteha sa imong pamilya

Naabot napud ang lain nga tuig
Buwan sa Enero ang pag-bag-o
Dapat nako mag move-on
Magmalipayon para sa akong kaugalingon

Pag-abot sa tindahan ako nabalaka
Abi nako mga buwak nga return to sender
Apan para diay to sa akoa
Wala ko kabalo kinsa ang nagpadala

Ni abot napud ang buwan sa Pebrero
Nibalik ka pag bisita apan mana ka ug palit
Buwak nga gikan ka sa laing tindahan
Nakakita kana ug lain palitanan

Nagguol ko nga wala nay maalagad kanimo
Wala nakay rason para mo anhi pa
Apan ang buwak kalit nimong gihatag kanako
Ako nahibong kung para asa kato

Ni sulti ka, “Para imoha na langga
Dugay na ako nag sige ug tan-aw kanimo
Pag Enero palang ko nagkaisog nga mohatag nimo
Dugay na ako anaay pagtan-aw kanimo”

Wala ako naka tingog ug naghinuktok
Nagpadayon ako sa pag paminaw sa iyang pagbati
I can’t believe this
Maka English man ta ug ahat ani

“Kada Pebrero akong inahan akong tagaan ug buwak
Diri ko niya gusto papaliton
Suki siya aning tindahan ug ganahan siya nimo
Ug nakita nako kung unsa iyang gipasabot”

“Ikaw buotan, gwapa ug matinabangon
Ikaw na ang nagsuporta sa imong pamilya
Ikaw isa ka maayong ihimplo
Ikaw nagsilbi nako nga inspirasyon sa kinabuhi”

“Sa kasakit, kaguol ug kalipay nga akong nasinati
Mayta dili pa uwahi ang tanan
Ikaw akong gusto mahikauban sa ugma ko
Pwede ba mamahimong kapares sa ugma mo?”

Nakahilak ko nga wala damha
Wala diay ko nag inusara aning kalibutana
Anaa pud diay naghandom magmahal sa akoa
Imo gayud kung gi linggi langga

Bagyo karon nga puno ug gugma
Sa walay duha-duha gi tubag taka
“Mag uban kitang duha sa daghan pang ugma
Mag-uban kita sa umaabot nga kasakit ug kalipay”

Ako isa lamang ka tindera nga puno sa gugma
Buwak nga maanindot mahikauban mo
Kasakit man o sa kalipay saksi ako
Kanunay kang handumon